കുട്ടികള്‍ ജനിച്ച് പന്ത്രണ്ടാം ദിവസവും 28 നും ചോറൂണിനും മറ്റും ആചാരമനുസരിച്ച് പേരിടാറുണ്ട്‌. ചിലര്‍ അപ്പോഴും മറ്റുചിലര്‍ അതിനുശേഷവും കുട്ടിയുടെ അരയില്‍ പേരുമണി കെട്ടിക്കുന്ന ആചാരം ഇന്നും കാണാം. സ്വര്‍ണം, വെള്ളി, ചെമ്പ്, ഇരുമ്പ്, ഈയം എന്നിവയാണ് പഞ്ചലോഹങ്ങള്‍. ഈ ലോഹങ്ങളില്‍ നിര്‍മ്മിച്ച അഞ്ചുമണികള്‍ ചരടില്‍ കോര്‍ത്ത്‌ കെട്ടുന്നതിനെയാണ് പേരുമണിയെന്ന് പറയുന്നത്. ഇവയ്ക്ക് സ്വര്‍ണാഭരണത്തെക്കാളും വെള്ളിയാഭരണത്തെക്കാളും ഗുണമുണ്ട്. പഞ്ചലോഹം മനുഷ്യശരീരത്തിന് ചുറ്റും നിലകൊള്ളുമ്പോള്‍, പ്രാണോര്‍ജ്ജത്തെ ശക്തിപ്പെടുത്തും. തന്മൂലം ലോഹാംശം കുറഞ്ഞ ശരീരമാണെങ്കില്‍ ആരോഗ്യം പ്രദാനം ചെയ്യും. അഞ്ചു കോശങ്ങളാണ് ആത്മാവിനെ ആവരണം ചെയ്യുന്നത്. അവ അന്നമയകോശം, പ്രാണമയകോശം, മനോമയകോശം, വിജ്ഞാനമയകോശം, ആനന്ദമയകോശം എന്നിവയാണ്. പഞ്ചലോഹങ്ങളുടെ പ്രവര്‍ത്തനം ഈ അഞ്ചുകോശങ്ങള്‍ക്കും ശക്തിപകരുമെന്ന് പറയപ്പെടുന്നു. പഞ്ചകദോഷം ഏല്ക്കാതിരിക്കാനും പഞ്ചലോഹധാരണം ഉത്തമമാകുന്നു.
. . ഹരിശ്രീ ഗണപതയെ നമഃ അവിഘ്നമസ്തു ശ്രീ ഗുരുഭ്യോ നമഃ നവഗ്രഹേഭ്യോ നമഃ . .
